demo GERBE ko tahun ni?

Assalamualaikum warahmatullahi wabarakatuh..
lebih kure dale duo minggu lagi, kito akan menyambut hari rayo haji. bagi stengoh ore, demo x sambut sangat rayo haji ni kalu nok dibandingkea denge rayo poso. tapi dari segi agamo Islam, rayo haji ni merupoke perayo'e hok paling terulung. seperti denge kisoh para nabi kito, Nabi Ibrahim denge anok dio, Nabi Ismail yakni berkait rapat denge pengorbane.

adik kakok yang dihormati sekalian.

kalu kito sebut perkata'e pengorbane nih, gapo hok ado dale pemikire kito? setiap ore ado pendapat dio tersendiri. begitu jugok lah denge ambo. bilo terjumpo jah perkata'e pengorbane nih, mulo-mulo skali ambo ake teringat pasal pengorbane mok ayoh ambo. tok soh ghoyak lah. memey jaso mereko tidok terbalah. kito buwi lah batu permato setinggi gunung, jongkong mah sebesar lautan, tetap tok samo nilai pengorbane hok mereko buwi ko kito.

kito tengok gini lah. sejak dale perut mok kito lagi, kito start doh, banyok merage. sebab mengandung ko kito ni, mok kito mabuk2..mutoh2.. selamo 9 bule 10 hari dio dok usung kito dale perut nih. male2 tokleh tido, sakit pingge, siye-siye hari tokleh buat kijo berat. kalu bdiri lamo gak, sakit tumit kaki. mace2. tapi, mok kito nih sobar jago kito. sapa laa kito ni dilahirkan.. sakit maso nok beranok tu, Allah sajo lah hok tau. Sebab tu lah, setiap kali mok kito melahirkan anok, doso2 dio akan gugur.

habih cito pasal mok kito hok beranok nih...bilo kito lahir jah kat muko bumi Allah SWT ni, kito koho buat perangai. male-male ore nok tido, kito teriok lapar susu. letih staro mano skalipon, mok kito ake bangun buwi susu ko anok dio nih. pendek kato, mok ayoh kito ni sanggup buat gapo sajo nok bagi anok demo ni membesar denge caro molek nga sehat walafiat. peje celik peje celik, anok mok ayoh ni pon besar la. masuk darjoh satu. pitih banyok habih sebab nyo daftar yuran skoloh, beli buku, kasut, mace-mace lah. mok nga ayoh ni dok doa hari-hari supayo anok-anok dio berjayo, cemerlang dale mato pelajare.

alhamdulillah..berkat doa mok ayoh, anok-anok dio semo berjayo blako. walaupon x sempurna sangat, tapi tok sio-sio la mok ayoh membesarkan anok-anok nih. tapi, ado sesetengoh anok nih, bilo dio berjayo, dio lupo ake jaso mok ayoh dio nih. bilo stat kijo, sibuk, sapa takdop maso nok kelik jenguk mok ayoh kampung nuh. sekalipun takdop maso nok kelik, paling kure, kito telepon skali sminggu ko demo duo ore tu. terubat lah jugok rindu mereko. nok cerito ko adik kakok nih. mok ayoh kito ni kade-kade dio tok ake tunjuk yang dio ni rindu kito..jadi kito ni keno la pandai-pandai.. masing-masing besar blako doh kea. cidik-cidik blako doh.

sempeno denge rayo haji tok lamo lagi nih, nasihat ambo la ko saim-saim. sementaro mok ayoh kito ado lagi kat muko Bumi Allah ni, ingat lah jaso mereko. cubo jago hati mereko. kalu buleh, balik umoh nati, salam denge mok ayoh, peluk cium demo duo ore tu. takdop ore lain doh hok buleh buat demo tu bahagio melainkan anok-anok dio..

sekian..wassalam.

Bring your heart's home.
family comes first~